Í vetur verður leiklistarhópur Halldóru með námskeið í Edinborgarhúsinu fyrir börn á aldrinum 6 – 15 ára. Það verða fjórir hópar og þeim er skipt eftir aldri. Miðað er við að námskeiðið sé 12 skipti frá miðjum janúar fram í miðjan maí.

Á þessari önn verður lögð áhersla á söng og dans. Það kemur atvinnudansari og danshöfundur frá Reykjavík tvisvar sinnum yfir önnina og verður með danssmiðju fyrir krakkana, sem verða þá mögulega aukaæfingar fyrir utan þeirra reglulega tíma og þeir gætu fallið á helgi.

Síðasta önn gekk vel og óskað var eftir því að tíminn yrði lengdur en það verður ekki gert að svo stöddu, nema að námskeiðinu lýkur klukkan 15:00 í stað 14:45 hjá yngri tveimur hópunum. Það er hins vegar möguleiki að vera aðeins lengur ákveðna daga ef ekki hefur tekist að klára eitthvað og þá væri gott að láta vita ef einhver er tímabundinn og þarf að mæta annað.

Námskeiðið fer að mestu leyti fram í Edinborgarhúsinu en af og til gæti staðsetning breyst, vegna anna í húsinu. Það verða engar æfingar í dymbilvikunni. Mikilvægt er að fylgjast vel með öllum breytingum og upplýsingum og hafa abler appið (Apple) (Android)

Skráning hefst 1. janúar klukkan 12:00 og henni lýkur 10. janúar klukkan 16:00

Hér er hægt að finna leiklistarhóp Halldóru inná abler

6 – 7 ára (1. og 2. bekkur) á þriðjudögum klukkan 13:00 – 15:00. Þau verða sótt í skólann og fá fylgd yfir. (30.000 kr önnin)

8 – 9 ára (3. og 4. bekkur) á miðvikudögum klukkan 13:00 – 15:00 (30.000 kr önnin)

10 – 12 ára (5. – 7. bekkur) á fimmtudögum klukkan 14:00 – 16:00 (40.000 kr önnin)

13 – 15 ára (8. – 10. bekkur) á mánudögum klukkan 13:00 – 15:00 eða 14:30 – 16:30 (10.000 kr önnin)