Áfram Latibær

Söngtextar

Líttu á þetta Latibær

Já líttu á þetta Latibær
Loks er komin frétt
Frétt sem þarf að gefa gaum
Gerum þetta rétt

Hátíð skal nú halda hér
Nú hangir enginn inni hjá sér
Tilefnið er tilvalið
Já tökum öll á sprett

Hér þarf að taka til hendinni
Já hreyfa sig úr
Íþróttahátíð halda skal
Hjálpumst nú öll að

Stína símalína

Þú veist að ég vil ekki
Tala illa um aðra
Annað en hún Anna
Hún er algjör naðra

Stína, Stína símalína
Stína, Stína símalína

Svo var ég að heyra
Sögu af honum Herði
Þú trúir því nú varla
En veistu hvað hann gerði?

Stína, Stína símalína
Stína, Stína símalína
Stína, Stína símalína
Stína, Stína símalína

Öllu er lokið Latibær

Öllu er lokið Latibær
Ljótt er það en satt
Fallega þorpið okkar er
Illa á vegi statt

Gaman hérna aldrei er
Allir hanga inni hjá sér
Fólkið hér vill letilíf
Liggja bara flatt

Agalegt mjög er ástandið
Enginn gerir neitt

Æji já, svona er nú ástandið í Latabæ

Íþróttaálfurinn

Sérðu álfa, sitja og gera ekki neitt?
Súra á svipinn og þykja lífið svo leitt?
Nei alltaf þar sem er álfamergð
Eru einhver ósköp gangandi á
Við erum alltaf á fullri ferð
Við erum bara þannig gerð

Já ég er íþróttaálfurinn
Álfanna fyrirmynd sjálf
Já ég er íþróttaálfurinn
Þú finnur ei fimari álf

Ekki syrgja og setja hendur í skaut
Ég sýna skal þér og fólkinu glænýja braut
Letibykkjur og bjálfana
Í Latabænum ég þjálfa í lag
Kreppiði á ykkur kálfana
Því það er ég sem þjálfa álfana

Já ég er íþróttaálfurinn
Alltaf sprækur og hress
Já ég er íþróttaálfurinn
Þekki ekki streitu né stress
Já ég er íþróttaálfurinn
Íþróttir eru mitt fag
Já ég er íþróttaálfurinn
Öllu ég kippi í lag

Siggi sæti

Alla daga uppi í rúmi í leti ligg
Og langar ekki fram
Háma í mig sælgæti og tygg og tygg
Tygg mitt nammi namm

Karamellur 80 kakómalt
Og kókosbollur 12
Bréfunum þeim kasta ég svo út um allt
Svo ekki sést í gólf

Ég átti að eiga karamellu hérna.
Hvar er karamellan mín?
Hvar er hún?
Hún er týnd!
Ég átti að eiga karamellu
Hvar er karamellan?
Það átti að vera karamella hérna
Þarna er hún

Ég nenni ekki að hreyfa mig svo nú er hér, nammibréfafjall
Það leikur enginn vafi á því að ég er, alger nammikall

Nammi
Karamellur
Súkkulaði
Sleikjó
Tyggigúmmí
Frostpinnar
Nammi nammi nammi namm

Goggi mega

Video og sjónvarp
Tölvuleikir tölvuspil (8x)
Sjónvarp átti ég
Og svo átti ég tvö
Og svo átti ég tölvuspil
Og svo átti ég þrjú
Núna á ég mér
Myndbandstæki sjö
Og sjónvörpin þau eru
Miklu miklu fleiri nú

Video og sjónvarp
Tölvuleikir tölvuspil (4x)

Þegar horfi ég
Í gegnum þessi gler
Get ég horft á tíu sjónvörp
Ekki bara eitt
Auðvitað er ég
Alltaf bara hér
Ég vil ekki missa af neinu
Ég fer aldrei neitt

Video og sjónvarp
Tölvuleikir tölvuspil (2x)

Hvað? Hvað? Fór allt úr sambandi?

Video og sjónvarp
Tölvuleikir tölvuspil (2x)

Ef það kemur snjór
Og ef það kemur él
Og ef ég rata ekki heim
Því nóttin er svo dimm
Þá passar ekki neinn
Videoin vel
Tölvuna og sjónvörpin mín
Tuttugu og fimm

Video og sjónvarp
Tölvuleikir tölvuspil (8x)

Maggi mjói

Langar þig í kjöt? Nei!
Langar þig í fisk? Nei!
Langar þig í ávexti eða kannski grænmeti?
Langar þig í brauð? Nei!
Langar þig í skyr? Nei!
Já smakkaðu það sem þú hefur aldrei smakkað fyrr

Ekki gefa í alla fæðu frat
Já elskan mín þú borðar aldrei mat.

Jú ég borða kornhring
iEn bragða ekki kál
Já ég vil kakókúlur,
Kexkökur, kornhringi í hvert mál

Ég vil borða kakókúlur
Kornhringi og flögur
Mér finnst morgunkorn og mjólkurkex
Matur sem segir sex

Eyrún eyðslukló

Ég er kölluð Eyrún eyðslukló
Einhvernveginn fæ ég aldrei nóg
Þegar einhver aura gefur mér
Út í sjoppu beina leið ég fer
Og kaupi mér af karamellum nóg
Lakkrísrör og fleira
Langar samt í meira
Ég er kölluð Eyrún eyðslukló

Sumum finnst ég kannski leiðinleg
Langi mig í eitthvað, þá sníki ég
Ég segi bara gemmér gemmér aur
Gemmér því að ég er alveg staur
Ég suða bara þar til gugna þeir
Og enda með að hlaupa
Út í búð að kaupa
Langar samt að kaupa miklu meir

Aurar sem ég eignast hverfa strax
Aldrei á ég neitt til næsta dags
Peninga er fáránlegt að fá
Ef fær maður svo ekki að nota þá
Með aura mína ætla ég á sveim
Peninga að spara
Gera bjánar bara
Aurar eru til að eyða þeim
Spara, spara, spara
Oj bara!

Solla stirða

Solla stirða heiti ég
Klaufsk og klunnaleg
Solla stirða hér kem ég
Haltrandi eins og spýtukall minn veg

Mig langar svo að verða liðug
leika mér að fara í splitt

Ég get ekki hlaupið um
Með hinum krökkunum
Né gengið uppi á grindverkum
Því ég er læst í liðamótunum
Sjáiði bara hvað ég er stirð

En mig langar svo mikið að verða liðug
Og leika mér að fara í splitt
En ég get það bara ekki

Solla stirða heiti ég
Klaufsk og klunnaleg
Ennþá get ég ekki þó
Á mig sjálfa reimað skó

Mig langar svo að verða liðug
Já og leika mér að fara í splitt
Enn get ég ekki þó
Reimað skó

Halla hrekkjusvín

Ég er Halla hrekkjusvín og voðalega villt
Ég veit ekkert betra en að gera öðrum illt
Gaman er að lemja aðra alveg hreint í steik
Aldrei hef ég vitað jafn skemmtilegan leik

Ég er Halla, Halla hrekkjusvín

Ég hleyp á eftir krökkunum og kýli þá og slæ
Svo krakkarnir þeir veina og ég skelli, skellihlæ
Ég skýt á þá úr teygjubyssu og toga í þeirra hár
Það tekur ekki að nefna þó það komi nokkur tár

Ég er Halla, Halla hrekkjusvín
Að pína aðra það er eftirlætisiðjan mín
Svo ani þeir með grátstafinn í kverkum heim til sín
En auðvitað er þetta bara ósköp saklaust grín
Því allir eru skíthræddir við Höllu hrekkjusvín

Ég er Halla, Halla hrekkjusvín
Ég er Halla, Halla hrekkjusvín

Nenni níski

Veistu hvað ég á?
Viltu ekki fá það að sjá?
Ég á þessa fötu
Og ég þessa götu
Og ég á allt sem götunni er hjá

Ég á allt sem er
Ég á meira en allt sem er hér
Actionkalla stóra, áttatíu og fjóra
Og enginn á þá með mér

Ég á þennan bíl
Ég á feitan fíl
Ég á stóran kött
Og að lána öðrum
Það er alveg út í hött
Ég á svart og hvítt
Ég á fagurt og frítt

Kannski fötin blotni
Kannski dótið brotni
Þá kaupir pabbi nýtt

Löggulagið

Ef einhver gerir eitthvað
Sem gera ekki má
Þá fer ég á stjá
Þrjótunum að ná

Ef enginn nennir lögbrotum
Ég lítið gera fæ
Í löggunni í Latabæ

Þegar ég ungur var og ör
Var í mér ofsa mikið fjör
Ég gat hlaupið um á höndunum
Mín handtök voru snör
Hér eru ekki margir glæpamenn
Ég er máttlausari en í denn
En ekki dauður úr öllum æðum enn

Áfram Latibær

Við höfum lært margt
Við skulum líta á
Þann lærdóm sem að hér er
Latibær hafði lengið staðið í stað
Já það er sko alveg víst

Já bæinn okkarvar ekki sjón að sjá
en síðan tók hann við sér
Já allt er hægt ef við munum bara að standa saman og hjálpast öll að

Við megum aldrei, nei aldrei gleyma því
Já látið orðið berast
Einskis virði er að hreyfa sig aldrei úr stað
Við skulum hætta, að liggja leti í
Og láta ekkert gerast
Lífið er miklu meira virði en það

Við segjum áfram Latibær, áfram Latibær
Þar sem lífið er alltaf betra í dag en í gær
Við segjum áfram Latibær, áfram Latibær
Enginn bær er í landinu líkt því eins fær

Við stóðum saman, við unnum öll sem eitt
Að okkar dýrðardegi
Bærinn sem áður var lágdeyða og letingjasafn
Við vorum iðin og létum ekki neinn
Standa í okkar vegi
Viðeigandi er að bærinn nú breyti um nafn

Ég legg til að bærinn heiti Leikbær

Við segjum áfram Leikbær, áfram Leikbær
Þar sem lífið er alltaf betra í dag en í gær
Við segjum áfram Leikbær, áfram Leikbær
Enginn bær er í landinu líkt því eins fær

Áfram Leikbær, áfram Leikbær
Þar sem lífið er alltaf betra í dag en í gær
Áfram Leikbær, áfram Leikbær
Enginn bær er í landinu líkt því eins fær